الشاعر ثامر شبيب الرشيدي العهد القديم

أدورك من مده هلا فيك جيت منين

هذا منزلك بين المعاليق ما شلته

تصبرت عنك في وعود الليالي لين

ذبحني غلاك وموعدي طال ما طلته

أبي أقول كل اللي على خاطري هالحين

وأنا خابر إني بجرحك حيل لا قلته

قبل يأخذك ما كنت بالشوف تملا العين

وحتى كلامك لا سمعته تثاقلته

وبعد ما خذاك وغبت عني ولا أدري وين

كبرت بعيوني والجفا ما تحملته

أثر قيمة اللي في يديك أن خسرت تبين

وهو قبل عندك في يديك وتجاهلته

أحبك كثر ما كنت سالي مع السالين

كثر ما بكاني دمع عينك وهملته

تصدق بديت أحس بـمفارقك بعدين

عذاب الطريق اللي مشيت وتساهلته

ذكرتك وأنا من عادتي ما أذكر المقفين

زماني بدونك كارثه ما تقبلته

أنا أذكر تعاهدنا ودعيت أنت وقلت أمين

كالعادة ابداع رائع

وطرح يستحق المتابعة

أهنيك على هذه القصيدة الجميلة

والأبيات الرااائعة

أتمنى لك التوفيق