بالله ارجع ضاق صدر المدينه

بالله ارجع شوف وجه المدينه
تبكي شوارعها من اسباب فرقاكـ

حتى المباني من فراقك حزينه
الريح صوت ونبره الحزن شباكـ

والليل بيح في غيابك حنينه
ينشد نجومه وين طلعت محياكـ

برد وظلام ودمعته وسط عينه
راح يتلمس في زواياه يمناكـ

كنه طفل غاب الفرح عن سنينه
يشتاق لك ويحن لك ويترجاكـ

ياصاحبي صاحبك الله يعينه
محدن عرف وشلون حاله بلياكـ

عزيز نفس ولارضى بالغبينه
البعد يغبن والغبن كيف ينساكـ

من زود حبك صرت دمعــــــــه بعينه
يخاف تنزل ورجـــــــوله توطاكــــ

حال الفراق المـــــــــــــر بينك وبينه
يرمي حبال الوصــــــــل يمك ولاجاكـ

شاعر صدى حرفه يترجم انينه
يموت حـــــــــــــي لا فقد شرواكـ

هذا انا وجروح قلبـــــــــــي دفينه
تعال داو جرح القلب بلامـــــــــــاكـ

هذا انا ودموع عينـــــــــــــــي سجينه
هذا انا ياصاحبي لا عدمـــــــــــــــناكـ

ارجع بدونك بيض الايــــــــــــــــام شينه
ياخي حرام ارجع ترى ارجع ترى الكل يبغاكـ

بالله ارجع ضــــــــاق صـــــــــــــدر المدينه
تبكـــــــي مبانيها من اسبــــــاب فرقــــــــــاكـ


أهـــــــــــــــــداء